Nëse një person fillon të tregojë diçka qoftë në mënyrë private ose publike që ti tashmë e di shumë mirë, bëhu sikur nuk di asgjë për atë. Mos nxito të zbulosh njohuritë tuaja ose të ndërhysh me ndonjë fjalim. Në vend të kësaj tregohu i vëmendshëm dhe i koncentruar.

Imam Ata bin Ebi Rabah thoshte: “ Kur një i ri do të më tregonte diçka që unë veç e kisha dëgjuar para se ai të kishte lindur. Megjithatë, unë do ta dëgjoja tregimin e tij sikur nuk e kisha dëgjuar asnjëherë më parë.”

Atta ishte një Tabi’in pra qe i përkiste një brezi pas sahabëve.

Safuan Bin Halid Al tamimi i cili frekuentonte gjykatat e dy halifeve Omer bin Abdul Azizit dhe Hisham Bin Abdul Malikit ka thënë: “Nëse një person ju tregon diçka që e keni dëgjuar më parë apo lajmin të sapo dëgjuar mos e ndërpreni për ti shfaqur njohuritë tuaja ndaj atyre që janë prezent. Ky njeri që vepron kështu është i vrazhdë dhe i paedukuar.”

Ibrahim bin el-Xhunejdi ka thënë: "Një njeri i mençur i tha të birit të tij:" Mëso artin e dëgjimit siç ke mësuar artin e të folurit.

Dëgjimi do të thotë edhe ruajtja e kontaktit me sy, duke lejuar folësin për të përfunduar fjalimin, dhe duke kufizuar nxitjen tuaj për ta ndërprerë fjalimin e tij. El-Hafiz el-Khateeb el-Baghdadi tha në një poemë:
Kurrë mos e ndërprej një bisedë
Edhe pse ju e dini brendësinë e saj